त्रिशूली-३एमा फसेका श्रमिक/कर्मचारी उद्धार गर्न पुरिएको केवल टनेल खन्न सुरू गरिएको छ।
६० मेगावाटको जलविद्युत आयोजनाको मर्मतको क्रममा फसेका कर्मचारीहरुको उद्धार गर्न उक्त अण्डरग्राउण्ड पावर हाउस भित्र जाने केवल टनेलको पुरिएको मुख खोल्न सुरू गरिएको ऊर्जा मन्त्रालयले जनाएको हो।
नेपाली सेना र दक्ष जनशक्ति सहित उत्खनन कार्यमा आवश्यक उपकरणहरु प्रयोग गरी तीव्र रूपमा काम भइरहेको मन्त्रालयले जनाएको हो।
यसअघि रसुवागढी जलविद्युत् केन्द्रभित्र फसेका चार कर्मचारीको सकुशल उद्धार गरिएको थियो।
उद्धार गरिएका कर्मचारीहरूमा भक्तबहादुर माझी, बलबहादुर माझी, राजन विक र सुनिल माझी छन्। प्रतिकूल मौसमका बीच उद्धार टोलीले केन्द्रभित्र फसेका कर्मचारीलाई सुरक्षित रूपमा बाहिर ल्याएको हो।
