सुनसरीको बराहक्षेत्र नगरपालिका ५ को अमहा सिमासार जंगलमा कारभित्र बन्दुक फेला परेको छ।
जंगलको भित्री सडक खण्डमा कारभित्र राइफल जस्तै बन्दुक भेटिएको प्रहरीले जनाएको छ।
सुनसरी प्रहरी प्रवक्ता डीएसपी योगराज खतिवडाले दिएको जानकारी अनुसार धरानबाट कालाबञ्जारतर्फ आउँदै गरेको बा ६ च ८४०३ नम्बरको कालो रंगको कारलाई प्रहरीले शंका लागेर सोमबार बिहानको राति करिब १ बजेतिर रोक्न खोजेको थियो।
त्यस क्रममा कार छाडेर कारभित्र रहेका ४–५ जना व्यक्ति फरार भएको खतिवडाले बताए।
उनीहरूको खोजी भइरहेको छ।
