सन् २०२६ मा जापानमा हुने एसियाली खेलकुदमा सहभागी हुन नेपालबाट ३० खेलको नाम दर्ता भएको छ। नेपाल ओलम्पिक कमिटीले सम्बन्धित संघले पठाएको पत्रको आधारमा खेल दर्ता गराएको जनाएको छ।
यसअघि कमिटीले सरकारसँग एसियाली खेलकुदमा सहभागी हुने खेलको नाम दर्ताका लागि सूची माग पनि प्राप्त हुन नसकेपछि संघले पठाएको पत्रको आधारमा नाम दर्ता भएको जनाएको छ।
दर्ता भएका खेल
एथ्लेटिक्स, आर्चरी, ब्याडमिन्टन, बास्केटबल, बक्सिङ, ब्रेकिन एन्ड डान्स, बेसबल, र्याफ्टिङ, कुरास, क्रिकेट, साइक्लिङ, इ-स्पोर्ट्स, गल्फ, हकी, जुडो, कबड्डी, कराते, मोर्डन पेन्टाथलन, रग्वी, स्केटबोर्ड, स्पोर्ट्स क्लाइबिङ, स्क्वास, सफ्ट टेनिस, पौडी, टेनिस, टेबलटेनिस, भलिबल, भारोत्तोलन, कुस्ती र उसु।
पछिल्लो समय जीवनराम श्रेष्ठ तेस्रो कार्यकालका लागि ओलम्पिक कमिटीको अध्यक्ष भएपछि सरकारले त्यसलाई अवैधानिक भन्दै आएको छ।
जसका कारण खेलकुद मन्त्रालयले ओलम्पिक कमिटीसँग कुनै सहकार्य नगर्ने बताउँदै आएको छ। साथै सरकारले ओलम्पिक कमिटीको भवन समेत तालाबन्दी गरेको छ।
तर ओलम्पिक कमिटीले आफूहरुलाई अन्तर्राष्ट्रिय मान्यता प्राप्त रहेकाले अन्तर्राष्ट्रिय समन्वय गर्दै आएको छ।
-1746009348.jpg)
