२०८० सालको पहिलो सेयर कारोबार दिन आइतबार नेप्से परिसूचक २.८० अंकले घटेको छ। यस दिन नेप्से ०.१४ प्रतिशतले घटेर १९३१.६८ बिन्दुमा बन्द भएको हो।
आइतबार २६५ वटा धितोपत्र तथा ऋणपत्रको ३० लाख ५६ हजार ७७५ कित्ता सेयर किनबेच भएको छ। आज ९७ करोड ४५ लाख ९९ हजार ६१ रुपैयाँ ५१ पैसाको कारोबार भएको छ।
आइतबार ७० धितोपत्र तथा ऋणपत्रको मूल्य बढेकोमा १३९ वटाको घटेको छ। १० वटा धितोपत्र तथा ऋणपत्रको मूल्य भने यथावत छ।
आज आदर्श लघुवित्त वित्तीय संस्था लिमिटेड र मोलुङ हाइड्रोपावर कम्पनी लिमिटेडको मूल्य ९.९९ प्रतिशतले बढेको छ। त्यस्तै कालिञ्चोक दर्शन लिमिटेडको मूल्य ९.९८ प्रतिशतले बढेको छ। योसँगै कम्पनीको सेयर मूल्य प्रतिकित्ता पाँच सय ५१ रुपैयाँ ९० पैसा पुगेको छ।
यसैगरी सर्वाधिक मूल्य घट्नेमा एसियन हाइड्रोपावर लिमिटेड रहेको छ। उक्त कम्पनीको सेयरमूल्य ७.८३ प्रतिशतले घटेको हो। त्यस्तै सगरमाथा जलविद्युत कम्पनी लिमिटेडको सेयर मूल्य ६.७६ प्रतिशतले घटेर प्रतिकित्ता तीन सय १७ रुपैयाँ पुगेको छ।
आइतबार सोल्टी होटल लिमिटेको सेयर सर्वाधिक कारोबार भएको छ। कम्पनीको ३ करोड ८९ लाख ४ हजार ४०९ रुपैयाँ बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो सूचीमा एनआइसी एशिया बैंक रहेको छ। बैंकको ३ करोड ६४ लाख ९८ हजार रुपैयाँ बराबरको सेयर कारोबार भएको छ।
यसपछि शिवम् सिमेन्ट लिमिटेडको ३ करोड १७ लाख २० हजार रुपैयाँ, हिमालयन डिस्टिलरी लिमिटेडको २ करोड ७९ लाख ९४ हजार रुपैयाँ र सगरमाथा जलविद्युत कम्पनी लिमिटेडको दुई करोड ७२ लाख ३३ हजार रुपैयाँ बराबरको सेयर कारोबार भएको छ।
-copy-1745411477.jpg)
-1746009348.jpg)
