लामो समयदेखि १९ सय विन्दुको आसपासमा नै रहेर घटबढ भइरहेको नेप्से सोमबार यही मनोवैज्ञानिक विन्दुमा टेवा परीक्षण गरिरहेको छ।
सोमबार बजार बन्द हुँदा नेप्से परिसूचक २३.६४ अंकले घटेर १,९०८ विन्दुमा आइपुगेको छ।
कारोबारको अन्तिम समय नेप्से बढ्ने प्रयासमा भने देखिएको छ। १,९०४ सम्म पुगेको नेप्से केही बढ्ने प्रयासमा रहेपनि अघिल्लो दिनभन्दा २३.६४ अंकले घटेको हो।
सोमबार कारोबार रकम समेत केही घटेको छ। आइतबार ९७ करोड ४५ लाख रुपैयाँको कारोबार भएकोमा सोमबार भने ९२ करोड रुपैयाँको कारोबार भएको हो।
सोमबार कारोबारमा आएका २६७ धितोपत्रमध्ये ३६ वटाको मूल्य बढेको छ भने २१७ वटाको मूल्य घटेर कारोबार भएको छ।
आज २७ हजार ४ सय ३७ पटक सेयरको किनबेच हुँदा ३१ लाख ४४ हजार कित्ता सेयरको कारोबार भएको छ। यसदिन सबै समूहगत परिसूचकहरू घटेर बजार बन्द भएको छ।
आर्दश लघुवित्त वित्तीय संस्था, कालिञ्चोक दर्शन र मोलुङ हाइड्रोको सेयर मूल्य १० प्रतिशतसम्म वृद्धि भएको छ। सनराइज ब्लु चिप फण्ड, एनआइसी एशिया ग्रोथ फण्ड लगायतकाको इकाइ सबैभन्दा धेरै ५ देखि ६ प्रतिशतसम्म घटेको छ।
अरुण भ्याली हाइड्रो, शिवम सिमेन्ट्स, एनआइसी एशिया बैंकको सेयर कारोबार सबैभन्दा धेरै भएको छ। यिनको ३ करोड देखि ७ करोड रुपैयाँसम्म सेयर कारोबार भएको हो।
-copy-1745411477.jpg)
-1746009348.jpg)
