नेपाल बीमा प्राधिकरणले तोकिएको न्यूनतम चुक्ता पुँजी नपुर्याउने बीमा कम्पनीहरूलाई थप तीन महिनाको समय दिएको छ।
यसअघि प्राधिकरणले ०७९ चैत मसान्तसम्म जीवन बीमा कम्पनीले ५ अर्ब र निर्जीवन बीमा कम्पनीले साढे २ अर्ब रुपैयाँ चुक्ता पुँजी पुर्याउन निर्देशन दिएको थियो। अब कम्पनीहरूले असारसम्मको अवधि पाएका हुन्।
प्राधिकरणका अनुसार हालसम्म चार कम्पनीले मात्रै तोकिएको चुक्ता पुँजी पुर्याएका छन्। नेपाल लाइफ इन्स्योरेन्स र शिखर इन्स्योरेन्स, सिद्धार्थ प्रिमियर इन्स्योरेन्स र सगरमाथा लुम्बिनी इन्स्योरेन्सले पुँजी पुर्याएका हुन्।
अबको तीन महिनामा पनि पुँजी नपुर्याउने कम्पनीलाई प्राधिकरणले मर्जरमा लैजाने र मर्जरपछि पनि पुँजी पुग्ने अवस्था नभएमा मात्रै हकप्रद सेयर जारी गर्न दिने भएको हो। हालसम्म २१ वटा बीमा कम्पनी मर्जर प्रक्रियामा गएका छन्।
अहिलेसम्म पनि पुँजी वृद्धिको कुनै योजना नबनाएका कम्पनीहरू माथि कारवाही गरिने प्राधिकरणले स्पष्ट पारेको छ।
-copy-1745411477.jpg)
-1746009348.jpg)
