चालु आर्थिक वर्ष २०७९/८० को तेस्रो त्रैमासिक प्रतिवेदन प्रकाशित गरेका बैंकहरूले यसपटक विवरणमा यस आर्थिक वर्षको नाफापछि दिन सकिने सम्भावित लाभांश समेत उल्लेख गरेका छन्।
यसरी करिब दर्जन बढी कम्पनीले सम्भावित लाभांशको प्रस्ताव गरेपनि ११ वटाको मात्रै सकारात्मक छ। अर्थात् ११ वटाले मात्रै लाभांश दिन सक्ने अवस्था छ।
स्ट्याण्डर्ड चार्टर्ड, एनआइसी एशिया, नेपाल एसबिआई, सानिमा, माछापुच्छ्रे, लक्ष्मी, नबिल, कृषि विकास, ग्लोबल आइएमई, सिटिजन्स र नेपाल बैंकले यसरी सम्भावित लाभांश प्रकाशित गरेका छन्।
स्ट्याण्डर्ड चार्टर्ड बैंकले सबैभन्दा धेरै ३४.२ प्रतिशत लाभांश दिन सक्ने र नेपाल बैंकले सबैभन्दा कम १.६४ प्रतिशत लाभांश दिन सक्ने विवरणमा उल्लेख छ।
वितरण योग्य नाफा सकारात्मक भएका कम्पनीहरूको सो रकमलाई चुक्ता पुँजीले भाग गरेर समेत कम्पनीहरूले तेस्रो त्रैमाससम्मको अवस्थाको आधारमा दिनसक्ने लाभांश निकाल्न सकिन्छ।
यस आधारमा भने एभरेष्ट बैंकले सबैभन्दा धेरै ३१.४३ प्रतिशत र नेपाल बैंकले सबैभन्दा कम १.२३ प्रतिशत लाभांश दिन सक्ने अवस्था देखिन्छ।
गत आर्थिक वर्ष २०७८/७९ मा नाफा भएसँगै औसत १३.३३ प्रतिशत लाभांश दिएका बैंकहरूले यसपटक तेस्रो त्रैमाससम्मको अवस्थाको आधारमा औसतमा ३.९१ प्रतिशत लाभांश दिन सक्ने देखिएको छ।
| बैंककाे नाम | वितरण योग्य नाफा रू. करोड (चैत २०७९) | चुक्ता पुँजी रू. करोड (चैत २०७९) | लाभांश सम्भावना | कम्पनीबाट प्रकाशित सम्भावित वार्षिक लाभांश | अघिल्लो पटकको लाभांश |
|
| प्रभु बैंक | -18 | 2354 | | | 8 |
| नबिल बैंक | 177 | 2705 | 6.54 | 8.73 | 30 |
| सिटिजन्स बैंक | 14 | 1420 | 0.99 | 2.8 | 9 |
| स्ट्याण्डर्ड चार्टर्ड बैंक | 256 | 942 | 27.18 | 34.2 | 20.68 |
| एभरेष्ट बैंक | 336 | 1069 | 31.43 | | |
| कृषि विकास बैंक | 58 | 1888 | 3.07 | 5.79 | 13 |
| सानिमा बैंक | 120 | 1246 | 9.63 | 13.2 | 10.98 |
| एनएमबी बैंक | 72 | 1836 | 3.92 | | 8.25 |
| नेपाल एसबीआई बैंक | 116 | 1012 | 11.46 | 14 | 10.53 |
| हिमालयन बैंक | -132 | 2165 | | | 19.11 |
| लक्ष्मी बैंक | 133 | 1155 | 11.52 | 11.95 | 11.5 |
| माछापुच्छ्रे बैंक | 106 | 1025 | 10.34 | 11.91 | 14 |
| प्राइम कमर्सियल बैंक | 30 | 1940 | 1.55 | | 8.95 |
| सनराइज बैंक | -4 | 1011 | | | 7 |
| ग्लोबल आइएमई बैंक | 96 | 3577 | 2.68 | 3.65 | 13.6 |
| एनआइसी एशिया बैंक | 302 | 1156 | 26.12 | 24.93 | 20 |
| नेपाल इनभेष्टमेन्ट मेगा | -127 | 3412 | | | 11 |
| सिद्धार्थ बैंक | -45 | 1408 | | | 13.16 |
| कुमारी बैंक | 0.24 | 2622 | | | 12.5 |
| नेपाल बैंक | 18 | 1469 | 1.23 | 1.64 | 12 |
