बुधबार नेप्से परिसूचक १३.६८ अंकले घटेको छ।
अघिल्लो कारोबार दिन अर्थात् मंगलबार १७.३६ अंकले बढेर १९ सयको बिन्दु पार गरेको बजार यस दिन नेप्से ०.७२ प्रतिशतले घटेर १८९२ बिन्दुमा बन्द भएको छ।
बुधबार नेप्से परिसूचकसँगै कारोबार रकम पनि अघिल्लो दिनको तुलनामा घटेको छ।
गत कारोबार दिन ८८ करोड ५५ लाख ७८ हजार २७० रुपैयाँको सेयर कारोबार भएकोमा यस दिन उक्त रकम घटेर ८४ करोड २५ लाख ७८ हजार ६९४ रुपैयाँ पुगेको छ।
यस दिन २६४ वटा धितोपत्रको २५ लाख ५७ हजार २८८ कित्ता सेयर किनबेच भएको हो।
बुधबार जनउत्थान सामूदायिक लघुवित्तको सेयरमूल्य सर्वाधिक ३.२५ प्रतिशतले बढेको छ। यस दिन उक्त कम्पनीको सेयरमूल्य ९२१ रुपैयाँ पुगेको छ।
यस्तै, कुमारी इक्विटी फण्डको इकाइ मूल्य २.५१ प्रतिशतले बढेर प्रति इकाइ ८ रुपैयाँ १८ पैसा पुगेको छ।
यसैगरी, सनराइज ब्लूचीप फण्डको इकाइ मूल्य ९.१२ प्रतिशतले घटेर प्रति इकाइ मूल्य ७ रुपैयाँ ७७ पैसा पुगेको छ।
यस्तै, तारागाउँ रिजेन्सीको सेयर मूल्य ७.११ प्रतिशतले घटेर प्रति कित्ता मूल्य ५०१ रुपैयाँ ६० पैसामा झरेको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको हो।
यस दिन लगानी समूहको परिसूचक सर्वाधिक १.३३ प्रतिशतले घटेको छ।
यस्तै, होटल्स तथा पर्यटन समूहको परिसूचक १.३२ र विकास बैंक समूहको परिसूचक १.०२ प्रतिशतले घटेको छ।
बुधबार शिवम् सिमेन्टको सर्वाधिक कारोबार भएको छ।
उक्त कम्पनीको प्रतिकित्ता ४१५ रुपैयाँ २० पैसामा ७ करोड १ लाख बराबरको सेयर कारोबार भएको हो।
यो मूल्य अघिल्लो दिनको तुलनामा १.७३ प्रतिशत घटेको हो।
सर्वाधिक सेयर खरिद–बिक्री हुने दोस्रो सूचीमा तारागाउँ रिजेन्सी रहेकोे छ। उक्त कम्पनीको ५०१ रुपैयाँ ६० पैसामा ३ करोड ९० लाख रुपैयाँ बराबरको सेयर कारोबार भएको छ।
-copy-1745411477.jpg)
-1746009348.jpg)
