साताको अन्तिम कारोबार दिन अर्थात् बिहीबार नेप्से परिसूचक १२.७३ अंकले बढेको छ।
लगातार पाँच कारोबार दिन घटेको सेयर बजार आज भने बढेको छ।
यस दिन नेप्से ०.६९ प्रतिशतले बढेर १८६९.७३ बिन्दुमा बन्द भएको छ।
बिहीबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।
गत कारोबार दिन ६२ करोड २ लाख ६६ हजार १६ रुपैयाँको सेयर कारोबार भएकोमा यस दिन उक्त रकम बढेर ७३ करोड २६ लाख ८९ हजार ८११ रुपैयाँ पुगेकाे छ।
यस दिन २७६ वटा धितोपत्रको २५ लाख ३३ हजार ७१४ कित्ता सेयर किनबेच भएको हो।
बिहीबार एनआइबिएल ग्रोथ फण्डको इकाइ मूल्य सर्वाधिक ९.८६ प्रतिशतले बढेको छ। यस दिन उक्त योजनाको इकाई मूल्य ८ रुपैयाँ ३६ पैसा पुगेको छ।
यस्तै, लक्ष्मी लघुवित्तको सेयरमूल्य ९.१६ प्रतिशतले बढेर प्रतिकित्ता मूल्य ७१५ रुपैयाँ पुगेको छ।
यसैगरी, एनएमबी डिवेञ्चर ८.५०%–२०८७/८८ को मूल्य ५.८५ प्रतिशतले घटेर प्रति डिवेञ्चर मूल्य ८३४ रुपैयाँ ७० पैसा पुगेको छ।
यस्तै, १०.२५% नेपाल एसबिआई बैंक डिवेञ्चर २०८३ को मूल्य ५.३८ प्रतिशतले घटेर प्रति डिवेञ्चर मूल्य ९०३ रुपैयाँ ६० पैसा पुगेको छ।
बिहीबार नबिल बैंकको संस्थापक सेयरको सर्वाधिक कारोबार भएको छ।
उक्त कम्पनीको प्रतिकित्ता ४७४ रुपैयाँमा ४ करोड ५० लाख बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो सूचीमा शिवम् सिमेन्ट रहेकोे छ। उक्त कम्पनीको ४०४ रुपैयाँ ९० पैसामा २ करोड २१ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो।
यस दिन निर्जीवन बीमा समूहको परिसूचक सर्वाधिक १.५५ प्रतिशतले बढेको छ।
यस्तै, वित्त र जलविद्युत समूहको परिसूचक १.३२ र १.२५ प्रतिशतले बढेको छ।
-copy-1745411477.jpg)
-1746009348.jpg)
