सेयर बजारमा चार सातादेखि केही कम्पनीमा लगानीकर्ताको उच्च आकर्षण देखिएको छ।
यसरी सातागत आधारमा चार सातासम्म सर्वाधिक सेयर कारोबार हुने कम्पनीहरूमा क्रमशः हिमालयन रि इन्सुरेन्स, शिवम सिमेन्ट्स, नेपाल पुनर्बीमा कम्पनी र हिमालयन डिष्टिलरी छन्।
चार सातादेखि यी कम्पनी कारोबार रकमको आधारमा प्रमूख सात कम्पनी भित्र पर्दै आइरहेका छन्।
चार सातामा भएको कुल कारोबार रकमको आधारमा भने चार सातामा सबैभन्दा धेरै कारोबार हुनेमा यी चार कम्पनीमा दरिएका छन्। साउन ११ गतेदेखि भदौ ५ गतेसम्मको कारोबारमा यस्तो देखिएको हो।
हिमालयन रि इन्सुरेन्सको चार सातामा आठ अर्ब ७४ करोड, शिवम सिमेन्ट्सको सात अर्ब ५० करोड, नेपाल पुनर्बीमा कम्पनीको सात अर्ब ४२ करोड र हिमालयन डिष्टिलरीको ६ अर्ब ४० करोड रूपैयाँको सेयर कारोबार भएको हो।
हिमालयन रि इन्सुरेन्स र नेपाल पुनर्बीमा कम्पनीले नियामक बीमा प्राधिकरणले तोकेको चुक्ता पुँजी पुर्याएका छैनन्। यही कारण पनि केही समयदेखि यी कम्पनीको सेयरमा लगानीकर्ताको आकर्षण देखिदै आएको छ।
यी कम्पनीले यसै आर्थिक वर्षभित्र २० अर्ब रूपैयाँ चुक्ता पुँजी पुर्याउनु पर्नेछ।
हाल हिमालयन रि इन्सुरेन्सको चुक्ता पुँजी १० अर्ब ८६ करोड छ। त्यस्तै, नेपाल पुनरर्बीमाको चुक्ता पुँजी १३ अबृ ४२ करोड छ। पछिल्लो समय यी कम्पनीहरूले लगानी समेत बढाइरहेका छन्। यसले पनि कम्पनीको आम्दानी बढ्ने अपेक्षामा लगानीकर्ताहरू छन्।
सेयर मूल्य सात सय ७९ सम्म पुगेर घटेको शिवम सिमेन्ट्सको मूल्यमा पछिल्लो समय आकर्षण बढ्न थालेको हो।
दुई महिना अघि कम्पनीको सेयर चार सय ९५ सम्म पुगेर बढ्ने प्रयासमा देखिएको हो। कम्पनीको वित्तीय विवरण समेत सुधारिएर आएको छ।
गत आर्थिक वर्ष २०८१/८२ मा कम्पनीको नाफा तीन गुणा (२१६ प्रतिशत) भन्दा धेरैले बढेको छ। २५ करोडबाट कम्पनीको नाफा ७९ करोड पुगेको हो।
उच्च मूल्यमा कारोबार हुँदै आइरहेको हिमालयन डिष्टिलरीको सेयर मूल्य समेत न्युन विन्दुमा आइपुगे यता बढ्न थालेको छ।
पछिल्लो समय १३२६ रूपैयाँ पुगेर मूल्य बढ्न थालेको छ। कम्पनीको गत आर्थिक वर्ष २०८१/८२ मा नाफा दुई गुणा (एक सय ६३ प्रतिशत भन्दा धेरैले बढेर ९५ करोड रूपैयाँ पुगेको छ।
-1746009348.jpg)
