एनएमबी बैंकले नेपाल क्लियरिङ हाउस लिमिटेड (एनसिएचएल) सँगको सहकार्यमा कार्डमा आधारित अनलाइन पेमेन्ट गेटवे सुरु गरेको छ।
यस सेवाले भौतिक तथा अनलाइन ई–कमर्स व्यवसायीहरूलाई स्वदेशी वा विदेशी बैंकले जारी गरेका भिसा र मास्टर कार्डमार्फत भुक्तानी स्वीकार गर्न सकिने सुविधा प्रदान गर्नेछ।
नेपालभित्र तथा विदेशबाट भुक्तानी लिन सकिने भएकाले व्यवसाय विस्तारमा सहयोग पुग्ने बैंकले जनाएको छ।
गेटवेमा समावेश ३–डी सेक्योर प्रविधिले ओटिपी वा पासवर्डमार्फत प्रमाणीकरण गराउँदै कारोबारलाई थप सुरक्षित बनाएको छ, जसले अनाधिकृत खरिदको जोखिम कम गर्ने बैंकको दाबी छ।
बैंकका अनुसार यो सहकार्यले ई–कमर्स प्रवर्द्धन र देशको वित्तीय कारोबार डिजिटलाइजेसनमा योगदान पुर्याउनेछ।
अनलाइन व्यवसायीहरूले आफ्नो पोर्टलमा गेटवे जोड्नका लागि बैंकसँग सम्पर्क गर्न सक्नेछन्।
बैंकले हाल २०२ शाखा, १८४ एटिएम र ९ एक्सटेन्सन काउन्टर मार्फत सेवा दिँदै आएको छ।
-1746009348.jpg)
