नेपाल राष्ट्र बैंकका कार्यकारी निर्देशक तथा प्रवक्ता गुरुप्रसाद पौडेलले ठूलो संख्यामा रुग्ण ठेक्का तोडिँदा बैंकिङ क्षेत्र प्रभावित हुने बताएका छन्।
नेपाल पूर्वाधार पत्रकार समाजले नेपाल निर्माण व्यवसायी महासंघसँगको सहकार्यमा मंगलबार काठमाडौंमा आयोजना गरेको ‘रुग्ण ठेक्का व्यवस्थापन सम्बन्धी’ सरोकारवाला निकायसँग संवाद कार्यक्रममा उनले यस्तो बताएका हुन्। बैंकिङ क्षेत्र बहुयामिक रुपमा प्रभावित हुने उनको भनाइ छ।
'ठेक्का तोडिएपछि सम्बन्धित कम्पनीहरु वाच लिस्टमा पर्नु हुनेछ। त्यो अवस्थामा सम्बन्धित कम्पनीहरु कर्जा उपभोगबाट बञ्चित हुने अवस्था आउन सक्छ,’ उनले भने, 'साथै, हालसम्म प्रवाह भएका कर्जा कमसल वर्गमा पर्नेछन्। त्यो अवस्थामा बैंकहरुले प्रोभिजन बढाउनुपर्ने हुन्छ। त्यो अवस्थामा बैंकहरुको खर्च बढ्ने देखिन्छ।’
यस्तै, बैंकहरुले एड्भान्स पेमेन्ट ग्यारेन्टी लगायतका सुविधा पनि बैंकहरूले दिएका छन्। त्यो अवस्थामा ठेक्का तोडिदाँ बैंकहरुमा दायित्व बढ्न गई थप खर्च बढ्ने उनको भनाइ छ।
फलस्वरुप निर्माण कम्पनीलाई बाध्यतात्मक रुपमा कालो सुचीमा राख्नुपर्ने अवस्था आउनसक्ने र कर्जा प्रवाहमा थप संकुचन आउनेमा उनले सचेत हुनुपर्ने उल्लेख गरेका छन्।
उनले कर्जा पुनर्तालिकीकरण तथा पुनर्संरचनाकाे सुविधा आवश्यकताको अवस्थामा मात्रै दिने गरेको भन्दै जोइन्ट भेन्चर ठेक्कालाई व्यवस्थीत बनाउन आवश्यक रहेको उनले बताए।
जेभी सम्बन्धी कानुनी संरचना नभएको भन्दै यसलाई व्यवस्थापन गर्न आवश्यक रहेको उनको भनाइ छ।
कालोसुची राख्ने सम्बन्धी व्यवस्थामा आवश्यक पुनरावलोकन गर्न छलफल भइरहेको तर कालोसुचीबाट हटाउन उत्तिकै चुनौती भएको पनि उनले बताए।
-1746009348.jpg)
