लगातार ६ कारोबार दिनदेखि घटेको सेयर बजार परिसूचक नेप्से सातौं दिन बढेको छ।
मंगलबार नेप्से परिसूचक भने ७.३९ अंकले बढेर बजार बन्द हुँदा २६०१४ विन्दुमा आइपुगेको हो।
अन्तिम समयमा नेप्से एकैपटक सात अंक हाराहारी बढेको हो। बजार प्रवृत्ति स्पष्ट नहुँदा कारोबार लगातार घट्दै गएको छ।
यस दिन ३ अर्ब ७५ करोड रूपैयाँको कारोबार भएको छ। सोमबार बजारमा ४ अर्ब ६६ करोड रूपैयाँको कारोबार भएको थियो।
यस दिन तीन कम्पनीमा सर्किट ब्रेक लागेको छ।
स्वस्तिक लघुवित्त, श्री नगर एग्रिटेक र माथिल्लो मैलुङ खोला जलविद्युतको सेयर मूल्य १० प्रतिशत बढेर सर्किट ब्रेक लागेको हो।
यसदिन कारोबारमा आएका समूहगत परिसूचकमध्ये बैंक, लघुवित्त, निर्जीवन र व्यापारमुलक समूह घटेका छन्। सबै समूहगत परिसूचक एक प्रतिशतभन्दा कमले परिर्वतन भएका छन्।
कारोबारमा आएका ३३१ लगानी उपकरणमध्ये एक सय ९० वटाको मूल्य बढेको छ भने एक सय २२ वटाको सेयर मूल्य घटेको छ। बाँकीको स्थिर छ।
हिम स्टार उर्जा कम्पनीको सेयर मूल्य सबैभन्दा धेरै ३.८८ प्रतिशतले घटेको छ। कम्पनीको सेयर प्रतिकित्ता ९९० रूपैयाँमा कारोबार भइरहेको छ।
ङादी ग्रुप पावरको सबैभन्दा धेरै रकमको कारोबार भएको छ। कम्पनीको ३१ करोड ९२ लाख रूपैयाँ बराबरको कारोबार भएको हो।
कम्पनीको प्रतिकित्ता सेयर १.७५ प्रतिशतले घटेर चार सय नौ रूपैयाँमा कारोबार भइरहेको छ।
-1746009348.jpg)
