होटल फरेस्ट इनको सेयर कारोबार आज (बिहीबार) देखि सुरू भएको छ।
स्पेसल प्रि–ओपन सेसनमा कम्पनीको प्रतिकित्ता १०१ रूपैयाँ ७० पैसामा कारोबार खुला भएको हो। सोही मूल्यलाई आधार मानेर अब नियमित कारोबार हुनेछ।
कम्पनीको ’एचएफआइएन’ संकेतमा सेयर कारोबार खुला भएको छ।
बुधबार नेप्सेमा कम्पनीको १०० रूपैयाँ अंकित मूल्य कायम भएको कुल दुई करोड कित्ता सेयर सूचीकृत भएको छ।
कम्पनीले पहिलो कारोबारको लागि ९० रूपैयाँ ६५ पैसादेखि २७१ रुपैयाँ ९५ पैसासम्मको मूल्य रेञ्ज पाएको थियो।
यस अवधिसम्म कम्पनीको सेयर ९.९३ प्रतिशतले बढेर प्रतिकित्ता मूल्य १११ रूपैयाँ ८० पैसा पुगेको छ।