साताको अन्तिम कारोबार दिन अर्थात् बिहीबार नेप्से परिसूचक सामान्य अंकले बढेको छ।
नेप्से ५.८२ अंकले बढेर २७८२.१८ विन्दुमा बन्द भएको छ।
नेप्से बढेपनि कारोबार रकम भने अघिल्लो दिनको तुलनामा घटेको छ।
बुधबार १२ अर्ब १० करोड रूपैयाँको कारोबार भएकोमा यसदिन ८ अर्ब ८१ करोड रूपैयाँको कारोबार भएको छ।
यसदिन ३२८ वटा धितोपत्रको दुई करोड १३ लाख १८ हजार ९२९ कित्ता सेयर किनबेच भएको हो।
बिहीबार ९८ कम्पनीको सेयर मूल्य बढेको छ भने १५८ वटाको घटेको छ। यस्तै, १२ कम्पनी स्थिर छन्।
यसदिन ६ कम्पनीमा सकारात्मक सर्किट लागेको छ।
रिलायन्स स्पिनिङ मिल्स, रिज लाइफ इनर्जी र सूर्यकुन्ड हाइड्रोपारको सेयर मूल्य १० प्रतिशत, भुजुङ हाइड्रोपावर र सुपर खुदी हाइड्रोपावरको मूल्य ९.९९ प्रतिशत र होटल फरेस्ट इनको ९.९८ प्रतिशतका दरले बढेको छ।
सर्वाधिक मूल्य घट्नेमा भूगोल इनर्जी रहेको छ।
उक्त कम्पनीको मूल्य ३.०६ प्रतिशतले घटेर प्रति कित्ता मूल्य ४७८ रूपैयाँमा झरेको छ।
यसैगरी, एनएमबी हाइब्रिड फण्डको मूल्य २.७३ प्रतिशतले घटेर प्रति इकाइ मूल्य ९ रूपैयाँ ६३ पैसामा सीमित भएको छ।
बिहीबार एसवाई प्यानलको सर्वाधिक कारोबार भएको छ।
उक्त कम्पनीको एक हजार ८४५ रूपैयाँमा ३५ करोड ७० लाख रूपैयाँको कारोबार भएको छ।
यो मूल्य अघिल्लो दिनको तुलनामा ०.११ प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा ङादी ग्रुप पावर रहेको छ। उक्त कम्पनीको ४६२ रूपैयाँमा ३० करोड ९२ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये ७ समूहको बढेको छ भने बाँकी ६ समूहको घटेको छ।
यसमध्ये व्यापार समूहको परिसूचक सर्वाधिक २.५३ प्रतिशतले बढेको छ।
